I fshehur në zemër të Alpeve Shqiptare, Lumi i Shalës është një nga destinacionet më të bukura dhe unike në Ballkan. I njohur ndryshe edhe si “Tajlanda e Europës”, ky lum me ujëra të kristalta dhe natyrë të paprekur ofron një përvojë unike për ata që kërkojnë aventurë dhe qetësi larg vendeve të zakonshme turistike.
Si të shkoni tek Lumi i Shalës?
Për të përjetuar magjinë e Lumit të Shalës, duhet të nisni rrugëtimin drejt Liqenit të Komanit, ku do të merrni edhe varkën. Ju rekomandojmë të prenotoni paraprakisht. Lundrimi zgjat rreth 1 orë dhe gjatë rrugës do të shijoni fjordet e ngushta dhe shkëmbinjtë e thepisur të cilët krijojnë një peizazh që të lë pa fjalë.
Bukuria natyrore e Lumit të Shalës
Kur të mbërrini në Lumin e Shalës, do të përshëndeteni ne ujërat e kristalta dhe qetësinë. Ky vend është një parajsë për dashamirësit e natyrës, me ujë të pastër që pasqyron peizazhet e egra përreth. Është vendi ideal për të notuar, bërë kajak ose thjesht për të shijuar qetësinë absolute mes cicërimave të zogjve dhe rrjedhës së lumit.
Çfarë aktivitetesh mund të bëni tek Lumi i Shalës?
- Kamping dhe mikpritja vendase – Fjetja nën yjet e Alpeve dhe bujtinat tradicionale ofrojnë një eksperiencë autentike shqiptare.
- Noti dhe shëtitje me kayak – Ujërat e qeta dhe të kthjellëta janë të përkryera për aktivitete të relaksi ose më dinamike.
- Eksplorimi dhe ecja – Zbuloni shtigje të fshehura dhe pika panoramike me pamje mahnitëse të lumit dhe Alpeve. Gjithashtu, ecja përgjatë lumit, është një nga aktivitetet tona të preferuara.
- Zipline – Në Lumin e Shalës mund të provoni edhe Zip Line. Një aventurë emocionuese që ju lejon të shijoni pamjet e lumit nga lart.
Disa Këshilla për një Udhëtim të Përkryer
- Rezervoni paraprakisht – Sidomos gjatë sezonit të verës, pasi bujtinat dhe transporti me varkë rezervohen shpejt.
- Vishni rroba dhe këpucë të rehatshme – Nëse doni të bëni ecje, disa zona shkëmbore kërkojnë këpucë të përshtatshme.
- Merrni me vete para cash – Shumë vende lokale nuk pranojnë kartat e kreditit.
- Respektoni natyrën – Mos hidhni mbeturina dhe ndihmoni në ruajtjen e bukurisë natyrore të zonës.
Një Copë Parajse në Shqipëri
Lumi i Shalës është një parajsë e vërtetë për adhuruesit e natyrës dhe aventurave. Qoftë për relaks apo aventura emocionuese, ky vend duhet të jetë në listën e çdo udhëtari! Bëni gati çantat, përqafojeni aventurën dhe zbuloni një nga destinacionet më të mahnitshme të Shqipërisë!
Nëse kërkoni një tjetër eksperiencë të mahnitshme afër, eksploroni Parkun Kombëtar të Valbonës, një tjetër mrekulli e fshehur në Alpet Shqiptare.
